Luxury (已結業)

尖沙咀西餐選擇多，但係以私房菜形成，只限預約嘅餐廳，必要數到呢間Luxury。內裡裝修豪華，而且由廚師發辦美食，保證款款新鮮。先有新鮮炸蠔作開胃小食，將新鮮蠔隻炸得金黃香脆，內裡仍保持新鮮蠔隻質地，值得一讚。而煎鵝肝、黑松露鵝肝當然無令人失望，上枱時散發出吸引嘅香味，切落去已感覺到柔軟質感，加上黑松露增添香味及咸味，就更為出色!主菜方面，先有卡邦尼意粉、香煎帶子意大利飯，前者以正宗煮法，以忌廉煙內洋蔥配料去煮，醬汁跟意粉非常合拍; 而香煎帶子睇賣相都見到吸引之處，帶有微微香烤感覺，加上用上湯煮制而成嘅意大利飯，吸收滿滿嘅上湯精華，最為吸引!而呢客雜錦海鮮湯，有齊帶子、龍蝦、青口等新鮮海鮮，淨係品嚐個湯，已經飲得左淡淡鮮味，再食埋龍蝦白淨而彈牙嘅肉、青口爽口嘅口感，真係非常滿足!最後仲有綠茶拿破崙配雪糕作甜品，鬆脆嘅酥皮令人食過不停，而綠茶cream夠軟滑，同酥皮形成強烈對比嘅口感!