影片
更多
2022-09-25
119 瀏覽
同友人二人同行夜晚過嚟旺角呢間想試好耐嘅扒房，8點到餐廳等咗15分鐘先有位，睇得出人氣有番咁上下。安排咗坐喺近門口嘅bar枱位，無咁嘈。如果坐喺入面正常枱位置，個環境加埋播住音樂🎵都幾嘈下。坐低唔洗點睇餐牌，因為我係為咗佢嘅熱熔芝士紐西蘭牛柳而嚟。$188，可以接受嘅價位，同朋友兩個人諗都諗都一齊叫咗，仲加咗$25跟餐，即係會有餐湯、餐包、甜品同飲品。唔洗等好耐，餐湯、餐包同飲品好快就上枱。湯叫咗一個中式豬骨湯一個西式羅宋湯，兩款又足料又大碗，淨係個湯都覺得值得加錢要餐👍🏻。餐包正正常常夠晒熱，普通飲品唔洗加錢，我就加$15叫咗My favourite黑牛，有球雪糕配汽水透心涼。之後主角出場，個鐵板牛柳一上枱超吸晴，即刻想食，但係仲要等侍應另外淋上用鐵鑊上嘅熱熔芝士，拿拿聲打個卡就試😍。叫咗5成熟，一切落去粉紅色嘅牛柳好軟淋，加埋芝士同黑椒汁，好邪惡，唔洗點咬就吞得，出乎意料之外咁好食😋！再試埋鐵板上面嘅薯菜，有薯條、紅蘿蔔仔、西蘭花同粟米，都係高水準。大大塊咁淋又無筋嘅牛柳，太好食所以好快比我消滅咗，都幾飽下。最後上埋個甜品，係一件蛋糕仔，雖然係細細件，但係對於一個飽晒嘅我都係呢餐一
安排咗坐喺近門口嘅bar枱位，無咁嘈。如果坐喺入面正常枱位置，個環境加埋播住音樂🎵都幾嘈下。
坐低唔洗點睇餐牌，因為我係為咗佢嘅熱熔芝士紐西蘭牛柳而嚟。$188，可以接受嘅價位，同朋友兩個人諗都諗都一齊叫咗，仲加咗$25跟餐，即係會有餐湯、餐包、甜品同飲品。
唔洗等好耐，餐湯、餐包同飲品好快就上枱。湯叫咗一個中式豬骨湯一個西式羅宋湯，兩款又足料又大碗，淨係個湯都覺得值得加錢要餐👍🏻。餐包正正常常夠晒熱，普通飲品唔洗加錢，我就加$15叫咗My favourite黑牛，有球雪糕配汽水透心涼。
之後主角出場，個鐵板牛柳一上枱超吸晴，即刻想食，但係仲要等侍應另外淋上用鐵鑊上嘅熱熔芝士，拿拿聲打個卡就試😍。叫咗5成熟，一切落去粉紅色嘅牛柳好軟淋，加埋芝士同黑椒汁，好邪惡，唔洗點咬就吞得，出乎意料之外咁好食😋！再試埋鐵板上面嘅薯菜，有薯條、紅蘿蔔仔、西蘭花同粟米，都係高水準。大大塊咁淋又無筋嘅牛柳，太好食所以好快比我消滅咗，都幾飽下。
最後上埋個甜品，係一件蛋糕仔，雖然係細細件，但係對於一個飽晒嘅我都係呢餐一個幾好嘅結尾。埋單每人大約$240，對比起一般港式扒房少少貴，但係都值得下次再嚟食吓其他嘢食。
熱熔芝士紐西蘭牛柳
$188
7 瀏覽
0 讚好
0 留言
張貼
