影の鳥 (已結業)

因為有個朋友係鏡粉，所以帶咗我嚟呢間餐廳食野，佢話好難book，令到雖然唔係鏡粉嘅我都有啲興趣~ 我地係星期三晚去都全場滿座，果然唔可以睇小Mirror嘅叫座力餐廳環境有啲幽暗，幾有氣氛，岩哂三五知己響度一邊小酌幾杯一邊傾計~ 所以餐廳有個清酒放題，望落都幾吸引，好多款酒可以任飲，飲得嘅人應該好快回本~ 可惜我哋兩個都唔係飲得之人，所以無加到錢~ 餐廳魚生款式雖然唔算多，不過夠凍夠新鮮同埋肥美，所以都好滿足反而串燒嘅選擇比較多，平時出面普通居酒屋叫一串串燒有時都要$40-50蚊，呢度有得任叫當然要食返夠本~ 串燒質素都相當不錯，值得一試~ 我哋食完出到門口仲見到有少少mirror 嘅應援品，如果粉絲黎到應該會仲開心原本我都有少少擔心餐廳只係用明星光環吸引粉絲，實情唔好食，但竟然食物質素都令我幾有驚喜，總括嚟講就算唔係粉絲嚟食，都應該會覺得值回票價