影片
更多
2016-01-05
2504 瀏覽
聽說火山燒經常很Full, 朋友book到位剛巧我又想去Sogo買東西就出城陪太子食放題一天。甚麼是火山燒呢？未去之前以為跟一般銅記燒肉放題差不多，但一坐低成個人feel到熱熱地就問問店員：「呢啲真係火山石嚟㗎？真係好熱喎。」然後佢好Pro咁解釋過我聽。。。話說古時日本周圍都係火山，古人見火山爆發後溶岩流出形成火山石，而日本又四面環海漁獲多的是，所以因利成便就地取材，用火山石煮食，點知原來好work直至今時今日，日本人都仲食緊火山燒，而台灣等地一早已好流行，最近先傳入香港。嗱嗱嗱，佢真係教歷史咁介紹，而說時遲那時快佢已經攞咗個「海鮮和牛盛」出嚟，$88有和牛﹑虎蝦﹑翡翠螺﹑鮑魚，店員話咁多嘢食一場嚟到，人人都加就加咗啦。基本上第一round係店員示範火山石點用，佢話啲石頭有差唔多300℃，一般海鮮燒10-12分鐘已經OK，燒前灑少少鹽﹑黑椒吊一吊味，迫出海鮮果一份鮮甜。呢個海鮮和牛盛真係盛放空前，因為樣樣都係好食嘅，身為海鮮控的我最like呢隻大大大虎蝦，燒完真係好爽甜，啖啖肉，蝦頭仲有蝦膏添！Size真係大到要刀叉享用，我非常滿意！其他海鮮都唔錯，特別係翡翠螺，唔係一般酒店冷盤咁有雪
甚麼是火山燒呢？未去之前以為跟一般銅記燒肉放題差不多，但一坐低成個人feel到熱熱地就問問店員：「呢啲真係火山石嚟㗎？真係好熱喎。」然後佢好Pro咁解釋過我聽。。。話說古時日本周圍都係火山，古人見火山爆發後溶岩流出形成火山石，而日本又四面環海漁獲多的是，所以因利成便就地取材，用火山石煮食，點知原來好work直至今時今日，日本人都仲食緊火山燒，而台灣等地一早已好流行，最近先傳入香港。嗱嗱嗱，佢真係教歷史咁介紹，而說時遲那時快佢已經攞咗個「海鮮和牛盛」出嚟，$88有和牛﹑虎蝦﹑翡翠螺﹑鮑魚，店員話咁多嘢食一場嚟到，人人都加就加咗啦。
基本上第一round係店員示範火山石點用，佢話啲石頭有差唔多300℃，一般海鮮燒10-12分鐘已經OK，燒前灑少少鹽﹑黑椒吊一吊味，迫出海鮮果一份鮮甜。
呢個海鮮和牛盛真係盛放空前，因為樣樣都係好食嘅，身為海鮮控的我最like呢隻大大大虎蝦，燒完真係好爽甜，啖啖肉，蝦頭仲有蝦膏添！Size真係大到要刀叉享用，我非常滿意！其他海鮮都唔錯，特別係翡翠螺，唔係一般酒店冷盤咁有雪藏味，燒完螺肉裡面仲好Juicy; 而鮑魚亦好新鮮，煙煙韌韌，唔會燒完縮晒水。
生蠔呢，就近似酒店buffet果類level... 始終食緊燒肉，唔敢生食蠔，燒咗2隻食，中上質素啦。
和牛盛
27 瀏覽
0 讚好
0 留言
之後終於開始食放題紙嘅食物，睇相就係牛肩最靚，但食落口冠軍係豬頸肉，外面燒到金黃色，脆卜卜，而裡面係爽口彈牙，而且係串串厚切，另外我自己想讚吓自己燒得幾靚，給果食完一串又一串。同是豬肉系列嘅黑毛豬就油香並重，不過我能太薄唔識控制，燒完乾乾地硬硬地。牛舌都係，屬於超薄切，只係食咗2片。
雛雞
31 瀏覽
0 讚好
0 留言
其實叫第3round都已經好飽，只係食啲翠玉瓜，菠蘿等等清腸胃。蔬菜類首推燒菠蘿，甜甜地好醒胃，又可中和剛才燒肉的飽肚感。
每人 $298 + 88... 銅鑼灣嚟講好合理，雖然放題紙唔係包羅萬有9萬幾款果D放題，但貴精不貴多，而且食物質素好返咁上下，所以火山燒應該可以encore的！
張貼
