聰少甜品 (已結業)

上次等人自己食咗個蜜瓜冰，好正，所以今次奶奶話想食甜品，我就介紹過嚟食，點知... 我叫咗個芒果椰汁黑糯米, 椰汁還椰汁，黑糯米就一球咁上枱 size唔大，味道唔出色，芒果算足料，$46 真係貴奶奶話唔食蜜瓜冰$42，龍眼又燥，所以叫咗士多啤梨冰，味道係勁難食唔甜，得少少酸味，成個味道好古怪，有大半碗根本入唔到口，連我個仔都唔食🙄老公叫咗個紅豆蓉涼粉$3x，算係最抵食，但老公話食落有榴槤味...奶奶食完好唔高興🙄我就覺得上次食嘅蜜瓜冰同埋佢哋主打嘅龍眼冰的確唔錯，希望餐廳其他食物可以改善下完。