Sabatini 意大利餐廳

營業中

休息中

終於可以試到呢間喺香港數一數二既意大利餐廳喇！入到去，裝潢都算唔錯！就算二人枱都好大張，坐得舒服唔會迫！頭盤可以order，亦可以選擇自助形式！款式種類都好多，而且味道一d都唔敷洐！用料新鮮亦可口！主菜我揀咗一個Angus steak！medium做得剛好，肉質亦都好嫩口，只略嫌偏鹹咗DD！如果你係食魚的話，佢地會喺你面前幫你起埋骨架！呢排可以食松露，你order既食物上咗枱之後，大廚會親自喺你面前刨d松露落去，確保新鮮！甜品既時間，佢地會推架甜品車過嚟比你任揀！款式多之餘，亦都做得好味！特別係個芝士蛋糕，芝士味香濃，亦夠滑！真係一定要試，其他甜品都唔錯架！晚飯仲要有隊live band！係拉大提琴同彈結他架，佢地會叫你點歌唱比你聽，氣氛好好！慶祝節日或者氹女朋友，實冧晒！