Lady M

營業中

休息中

屋企人生日，佢地話想試下lady m，因為好似好出名。咁最後去左沙田個間分店，要排隊，排左30分鐘有多，比預期快左。咁排隊個陣就要諗定食乜，然後一有得坐就可以叫。咁佢d cake嘅賣相都相當吸引，好似好高貴好high class。而選擇都算幾多同埋款式係幾特別。咁睇完餐牌，我地就叫左個朱古力彩虹蛋糕、玫瑰千層蛋糕、法式士多啤梨千層酥、紅絲絨蛋糕加三杯cappuccino。朱古力彩虹蛋糕層次分明，味道適中，但同普通朱古力蛋糕差唔多，咁嘅價錢應該可以做好d。士多啤梨千層酥味道不錯。玫瑰千層蛋糕應該係最出名，味道好fresh，幾特別，但$75得好細件cake，唔太抵食。紅絲絨蛋糕賣相就幾吸引。但用嘅餐具係即棄。