上海小南國 (萬宜大廈) (已結業)

第一次食呢間，冇訂位，12:15左右岩岩好仲有位，好好彩有個靚位俾我地好似包箱咁，私隱度唔錯，可惜叫侍應就有d麻煩，禁左鐘冇人應，要伸個頭出去叫先有，我見有d客講普通話，似係熟客仔，侍應好似特別好招呼。呢間野睇menu就知係貴野，樣樣都差唔多$100，3個人食叫左5樣野- 小籠包一籠4粒，味道唔錯，入面仲好多汁- 海蜇就一般，冇咩味- 上海粗炒碟大份量好少，唔係特別好食，唔太鹹- 賽螃蟹炒飯，非常香既蛋白味，啖啖都有蛋- 生煎包一籠4個，但好細隻，個底煎到少少濃，幾脆幾好食，一咬入去d肉都好多汁，唔似出面個d咁乾最後計埋茶錢，埋單$522，食物質素唔錯，但非常貴既午餐，仲要食唔飽，唔抵食，試過一次就算，唔會再幫襯。