影片
更多
2023-12-02
336 瀏覽
事緣今日諗住去買蛋撻，之前食過都幾好食，諗住買兩盒送俾朋友食，我首先叫咗一盒半打，諗諗吓都係買多半打，賣包收銀服務員開始黑面，同隔籬嗰個服務員講要分兩盒，跟住嗰邊嗰個服務員口噏噏唔知佢講乜，跟住我問清楚，原來佢話如果要分兩盒公司規定一定要比多$5，跟住我話你哋冇寫明同埋我唔係你哋職員我點會知呢，跟住我同佢講你應該寫明，我亦都問佢，如果分兩個人嚟買使唔使收，佢話唔需要，其實都怪怪地，如果真係要多收$5可以好態度同我講，同埋真係唔明點解要收多$5，兩個服務員態度極度差，於是我同佢講，我來買嘢不是受你氣的，如果你要收多$5，唔該你客氣同客人講，其實這間紅茶是好食的，但唔該留意吓訓練吓服務員對客嘅態度，請紅茶負責人留意
張貼