影片
更多
2010-11-15
626 瀏覽
師傅好多時都係一個人食飯, 而一個人食飯時車仔麵永遠都係被師傅優先選擇, 無他嘅, 貪佢又平又正又快, 加上內臟仍係師傅嘅至愛, 唔食都好似對唔住自己; 剛剛的星期六師傅又一兜出左去太子, 目的都係想搵個地方食下野, 而地點就揀左呢間食店!仍記得大約半年多前, 師傅黎過一次, 對呢間食店都有甚高評價, 是次再黎仍然抱有一定期望; 入到食店即刻行埋去揀野食, 是次師傅先柯打兩個幼麵餅, 而餸就揀左牛丸, 豬皮, 豬紅, 牛肚同豬腸, 配上少少辣汁, 五餸兩麵作為當天嘅午餐! 呢間食店真係有招呼架, 皆因由落單到送到枱上, 全程都有人服侍, 呢個位師傅就最鍾意!坐底後師傅立即開餐, 首先當然係試下個湯底啦, 湯底有濃濃的柱侯味, 味道香而吸引, 最重要係師傅唔多覺有味精, 湯底嘅水準著實不錯; 於是再試下牛丸, 牛丸一份有三粒, 一咬下下發覺牛丸係非常之爽, 而肉質鬆軟, 稍為可惜係唔夠香, 冇咩牛味, 如果牛丸再香少少必定更加好味, 但咁嘅水準亦算不俗; 至於豬皮都幾爽口, 絕對唔會半腍半硬, 冇唔湯唔水嘅感覺, 加上炆得夠入味又有咬口, 不錯!再講就係豬紅, 豬紅水準都幾參差, 有些又
仍記得大約半年多前, 師傅黎過一次, 對呢間食店都有甚高評價, 是次再黎仍然抱有一定期望; 入到食店即刻行埋去揀野食, 是次師傅先柯打兩個幼麵餅, 而餸就揀左牛丸, 豬皮, 豬紅, 牛肚同豬腸, 配上少少辣汁, 五餸兩麵作為當天嘅午餐! 呢間食店真係有招呼架, 皆因由落單到送到枱上, 全程都有人服侍, 呢個位師傅就最鍾意!
坐底後師傅立即開餐, 首先當然係試下個湯底啦, 湯底有濃濃的柱侯味, 味道香而吸引, 最重要係師傅唔多覺有味精, 湯底嘅水準著實不錯; 於是再試下牛丸, 牛丸一份有三粒, 一咬下下發覺牛丸係非常之爽, 而肉質鬆軟, 稍為可惜係唔夠香, 冇咩牛味, 如果牛丸再香少少必定更加好味, 但咁嘅水準亦算不俗; 至於豬皮都幾爽口, 絕對唔會半腍半硬, 冇唔湯唔水嘅感覺, 加上炆得夠入味又有咬口, 不錯!
再講就係豬紅, 豬紅水準都幾參差, 有些又腍又滑身, 但有些又韌又鞋口, 而且夾起黎係比較碎, 唯一可取係夠入味, 所以都挽回唔少分數; 而牛肚就真係炆得好腍又入味, 雖然是次唔係金錢肚, 不過師傅仍然好欣賞; 最後係豬腸, 豬腸炆得好腍好入味, 是次豬腸仲要偏肥, 所以特別香, 又肥又腍嘅豬腸特別啱師傅嘅胃口; 至於幼麵餅就普通, 入口唔彈牙但冇鹼水, 都算可以啦, 再配埋辣椒醬都幾惹味架!
總括黎講車仔麵嘅水準真的不俗, 環境一般, 服務都可以, 始終有招呼都會加分的, 而價錢唔貴, 五餸兩麵埋單三十六蚊, 份量都唔少, 所以師傅都食到好飽, 算得上抵食! 坦白講今時今日好味嘅車仔麵真係買少見少, 難得呢一間水準不俗, 所以笑臉值得一比, 師傅好肯定一定會有下次, 到時除左食車仔麵外, 必定要試下腸粉, 皆因師傅見到好多人都食呀! 食完車仔麵後, 師傅即刻起錨, 何解? 因為師傅真的食到好飽, 已經唔可以再坐, 唯有利用散步去幫助消化!
張貼
