焱丸水產 (已結業)

又一無限推介既日本餐廳一去到環境舒服到好似去咗日本居酒屋之前已經想試好耐❤️左口魚刺身肉質晶瑩剔透爽口肥美油脂豐富 再配上店家嘅特製醬汁 食過返尋味北寄貝雖然份量唔多但係好爽口好甜三文魚牛油果油酢漬餐前沙律開胃 酸酸甜甜既醬汁令到我哋食指大動👍🏻焱丸號壽司🍣呢個拎黎影相已經夠吸睛分別有海膽三文魚子壽司啲海膽滿到瀉 三文魚子夠新鮮粒粒都博博趣吞拿魚茸壽司蟹棒絲軍艦就連碗碟嘅蛋絲都非常好食下次一定會再encore 三文魚什菇牛油燒呢個普普通通喇 正常野牡蠣吉列炸得外脆內軟 一口咬落去仲有蠔既肉汁 唔會熟到硬哂 好味❤️配上沙律醬可以食十隻銀鱈魚西京燒都燒得岩岩好 外邊有少少脆入邊好有肉汁同好嫩海膽帆立貝燒同松葉蟹膏立殼燒都有專人幫手燒 坐係到等食好享受🤣不過唔知點解有少少苦味烏賊磯燒師傅親自幫我地燒遠者烏賊燒 加上燒汁醬油師傅再將佢剪開上碟仲叫我地趁熱食 貼心又好食烏賊肉質爽 加上燒汁味道我地就算好飽都幫親哂❤️焱丸下次一定會再黎雖然唔係平民價 每人平均消費都五百蚊 但我同朋友都一致同意係物超所值 買張日本機票都唔止喇