I am.. bakery (已結業)

今日4:30pm去買麵包，見到收銀旁邊玻璃柜Ｄ蛋撻新鮮出爐，要咗５隻，用盒裝。點知收銀嬸嬸暗地裏俾Ｄ蛋撻中間位置已下陷給我，好明顯係早上嘅貨。好聲好氣請她換過Ｄ肉眼見到新鮮出爐。佢話一樣啫，都係熱㗎！最後好不情願咁換咗兩隻新鮮嘅，盒內下層三隻都是舊貨，回家打開見到，只覺水魚只會做一次！生意唔係咁做嘅！收埋差質素唔俾人見，暗地俾Ｄ衰嘢給客人，以後再幫襯？好難了！租金貴，更加要識得留客，三個不新鮮蛋撻加上超衰態度，換來劣評，值嗎？老闆好辛苦去經營，一個差嘅員工累死全間舖