JUICY Fresh Juice Bar (已結業)

我作為韓星追星飯，最鍾意就係幫襯依間，因為佢成日都做韓星Promotion，買野飲就送韓星杯套，最近係BTS嘅Promotion，啱曬我順便草下韓星周邊。草莓拿鐵，採用新鮮草莓、明治牛奶、忌廉、細鹽、果糖製成，分層效果分明，新鮮草莓味道甜酸，草莓牛奶沙冰飲落好冰涼。抹茶紅豆飄雪，抹茶茶味濃香、帶有回甘，沙冰口感，飲落好清爽，紅豆口感軟腍，味道香甜，小丸子口感煙韌、軟糯，味道少甜。蜜瓜奶，即叫即製，用料十足，啖啖蜜瓜蓉，牛奶味道醇厚，口感細滑，整體味道清甜、天然，飲落好清新。