Garrett Popcorn (已結業)

而家戲院就唔開，好耐冇試過去戲院睇戲嘅感覺啦。今晚諗住喺屋企睇個Netflix，又想扮吓戲院嘅感覺，就去買咗包popcorn。Medium Size $59有得揀三款口味Mix埋嘅，不過我淨係想食芝士味同焦糖味，所以就揀咗淨係呢兩款Mix埋啦。一鹹一甜，正。甜嘅焦糖味好香脆，不過食兩粒就會膩，所以係呢個時候又要食返兩粒芝士味。然後就又會想再食返焦糖味，不斷循環，根本就食到停唔到。芝士味都相當香濃嘅，不過就冇焦糖味咁脆弱嘅。未睇晒套戲，同朋友已經食晒包Popcorn。但真係幾有喺戲院睇戲嘅感覺。本身想試埋士多啤梨味，但咁啱賣晒，要15分鐘後先有，我又費事等，唯有下次先食啦。