米拉 (已結業)

早前去左觀塘行下小店同Outlet，行行下到一個叫E Plaza的小形商場，見到入面有個面積不小的Food Court！入面有好多款不同的平價小店。本身想食好多人等位的Burger，不過實在唔想等了，所以去左斜角的Milá試試。餐廳門口只有兩張小接枱，所以位置不多。餐廳提供應輕量的套餐，今次同朋友就揀左費城芝士牛肉飽餐，一個飲芒果益力多，一個飲冰鎮珍珠咖啡。芒果益力多的味道偏甜，不過益力多的酸味好開胃。冰鎮珍珠咖啡，咖啡味都濃，不過以為冰鎮係有冰坐住，點知原來都係落冰。睇埋個牛肉飽先！個汁好香，仲有煮到又甜又冧的洋蔥，夾埋都幾香，不過牛肉量少左DD。個牛肉飽加左少量的芥辣，加埋芝士同烘過的豬仔飽都幾香脆。