成都小巷米線雞煲 (和富道) (已結業)

🍽 成都小巷米線雞煲 (北角) (北角)📍 北角和富道85-86號地舖之前去staycation經過成都小巷，已經聞到好香嘅雞煲味😋😋 因為上次已經book咗酒店餐廳，今次就特登嚟食雞煲😍😍😍 ✨ 2小時雞煲放題 （中辣）$158雖然係兩小時放題，但餐廳好貼心咁加左10分鐘上菜時間（計過雞煲上菜嘅時間唔使10分鐘），所以正確時間為兩小時10分鐘🤣🤣🍽 雞煲雞煲一上嚟就食得，唔使等。廚師煮到啲雞啱啱好，又嫩又多汁😋惹味到食完一舊，就即刻想食第二舊。🍽 辣度呢個係甜甜地嘅辣，叫咗中辣都係譚仔嘅二小辣左右，係我鍾意嘅辣度，唔會辣到食唔到啲雞嘅鮮味！🍽 湯底Refill係用清湯，所以就算食完雞煲之後加湯，個湯底都係咁好味。🍽火鍋配料我鍾意食嘅全部都有🤣🤣 菜好新鮮好多種類，啱晒我呢排想食得健康啲，所以係咁食菜，打邊爐一定要食油麥菜🥰。而肉類、丸類都有唔少。🍽 飲品有一般放題有既汽水同埋啤酒，我就最鐘意飲板町甘蔗汁，好清甜。最抵讚係雪櫃好夠凍，一路食辣雞煲一路飲凍飲，好爽🤣🤣✨我地張枱對著廚房，見到廚房超乾淨，好加分，係信心嘅保證💪💪💪✨個電磁爐火候夠，唔會煮極都唔滾。可以好好把握時間食食食！✨