火間土 (已結業)

早前透過朋友介紹嚟到呢間位於尖沙咀北京道1號嘅日式餐廳「火間土」。我哋之前用電話book位，仲特別同餐廳request坐窗口位。由於當日係閒日嘅午餐時段，餐廳入面唔算太多人。餐廳安排咗我哋兩個人入去一個小包廂，私隱度非常之高👍🏻餐廳食物方面非常抵食，對於lunch set來講份量足夠。我同朋友都差啲食唔晒😂食物質素來講就正正常常，魚生都幾新鮮，唔會話有陣腥味。反而個茶碗蒸比到驚喜我哋，入面有唔單止有冬菇、鳴門卷，仲有帶子粒同蝦。天婦羅方面，佢哋嘅炸粉就相對比較厚。跟餐附上嘅汁煮牛肉煮得好入味，用嚟撈飯簡直係一流😆總括來講，呢度勝在選擇夠多，不論係定食定係壽司，性價比嚟講非常之高，值得一試😋