影片
更多
2022-10-09
109 瀏覽
之前經過尖沙咀都見過哩間以黑白幾何圖形為餐廳設計主調嘅「愛上米線」，估唔到今日嚟銅鑼灣上堂又咁啱見到分店，就諗住買外賣番屋企食。甫一進門店員就非常熱情招待，主動介紹近日轉咗新餐牌，多咗好多款手工主打美食，仲可以自選車仔麵米線，或者好似小妹咁懶嘅可以揀番餐廳預製嘅米線😆 另外小驚喜係店員會細心地係每個外賣盒上寫上食物名，咁唔使逐盒打開都唔會拎錯啦👍🏻小妹就嗌左兩款湯米線加埋兩款小食，款款都份量十足，價錢貼地又親民，性價比高🤩牛魔王麻辣湯米線 $59首先麻辣湯同米線及餸都係分開裝，完全唔怕返到屋企d 米線會浸到冧哂，打開之後俾佢嘅份量嚇親，$59 三餸米線仲要樣樣足料，有三粒牛丸，三片大大片嘅牛展同好多片肥牛，牛展超級軟稔而且滷水夠哂入味👍🏻肥牛份量足又肥瘦適中，完全唔係廉價貨，重點個湯底係用海鹽調味，麻得嚟夠刺激，辣得嚟夠惹味，飲起上嚟又唔會渴口世一酸菜魚湯米線 $56平時出去食酸菜魚都起碼要百幾蚊，依家嚇係$56 親可以食到酸菜魚加埋米線，而且淨係魚塊都有成7-8塊，性價比極高，湯底比普通酸辣湯少咗辣味但多咗麻味，惹味可口，魚肉嫩滑新鮮而且啖啖肉無哂骨😋麻辣爽脆豬耳 $26麻辣調味適中
甫一進門店員就非常熱情招待，主動介紹近日轉咗新餐牌，多咗好多款手工主打美食，仲可以自選車仔麵米線，或者好似小妹咁懶嘅可以揀番餐廳預製嘅米線😆 另外小驚喜係店員會細心地係每個外賣盒上寫上食物名，咁唔使逐盒打開都唔會拎錯啦👍🏻
小妹就嗌左兩款湯米線加埋兩款小食，款款都份量十足，價錢貼地又親民，性價比高🤩
牛魔王麻辣湯米線 $59
首先麻辣湯同米線及餸都係分開裝，完全唔怕返到屋企d 米線會浸到冧哂，打開之後俾佢嘅份量嚇親，$59 三餸米線仲要樣樣足料，有三粒牛丸，三片大大片嘅牛展同好多片肥牛，牛展超級軟稔而且滷水夠哂入味👍🏻肥牛份量足又肥瘦適中，完全唔係廉價貨，重點個湯底係用海鹽調味，麻得嚟夠刺激，辣得嚟夠惹味，飲起上嚟又唔會渴口
世一酸菜魚湯米線 $56
平時出去食酸菜魚都起碼要百幾蚊，依家嚇係$56 親可以食到酸菜魚加埋米線，而且淨係魚塊都有成7-8塊，性價比極高，湯底比普通酸辣湯少咗辣味但多咗麻味，惹味可口，魚肉嫩滑新鮮而且啖啖肉無哂骨😋
麻辣爽脆豬耳 $26
麻辣調味適中唔會過分，豬耳切成幼條仲好爽脆，如果份量再多少少就更好啦
懷舊蔥油餅配藤椒野菌雞粒 $36
鍾意香口濃味嘅你就一定要試，雞粒先炸脆再加埋藤椒、辣椒、野菌炒香，惹味香口，加埋懷舊蔥油餅再多一份風味，而且新舊交替創意菜式都幾特別👍🏻
手工話梅小蕃茄 $24
哩個係真手工菜，話梅小蕃茄酸酸甜甜好開胃，真正手工菜嘅原因係每粒蕃茄仔都已經去皮，唔會怕有d 蕃茄皮會有嘅草青味，而且每一粒都好juicy 飽滿
張貼
