將軍麵館

營業中

休息中

呢間餐廳嘅位置相當難搵，如果你本身唔係住喺天水圍嘅話，入到商場都好大機會會蕩失路🤣🤣 不過今日我就係誤打誤撞咁樣見到呢間餐廳，又好想食米線，一於試吓佢～我自己叫咗撈米線，微辣。唔太辣仲有加辣嘅空間，早知叫小辣啦🥹 米線個汁同埋肉碎都幾香口，不過木耳就冇乜調味仲凍凍地，如果可以熱啲咁就會好食啲。雞翼係中規中矩嘅滷水雞翼👌🏻👌🏻男朋友叫嘅係麻醬撈麵，麵質都幾好食，而且個配搭都似乎落咗啲心思，外間好少見到會加肉鬆呢！麻醬落得幾大方，足夠撈晒成個面。