越南米紙 (已結業)

德福食肆普遍都偏貴，距離九龍灣地鐵唔太遠嘅屋村商場入邊有間價錢貼地嘅越南餐廳，裝修簡單舒適！豬扒撈檬配米紙春卷: 檬粉份量十足，非常大碗抵食。而檬粉質感爽口，香茅豬扒炸得夠透，好香口！而春卷方面，米紙係呢度嘅招牌菜，米紙代替春卷皮，令到春卷更薄身同口感更脆，配埋足料嘅春卷餡料，可以encore ! 法式紅酒炆牛尾: 估唔到用咁嘅價錢都可以食到有質素嘅牛尾，牛尾炆得夠晒林，肉質唔會癡牙仲好嫩口 ，唯獨可以多番少少紅酒味。紫薯沙冰:最令我驚喜嘅係呢度嘅特色飲品，因為佢哋仲沖得好味過好多專營飲品嘅店舖！黎到見到紫薯沙冰賣相已經覺得幾靚，紫薯味濃郁，上層忌廉香滑，絕對冇失望👍🏻Oreo朱古力沙冰: 足料嘅朱古力沙冰每一啖都有朱古力同埋Oreo碎，而朱古力係好rich既可可粉沖，味道絕對唔會好假👍🏻