52C Medium Rare (已結業)

下午三時左右去到，無需等位。餐廳環境衛生，整潔，唔會油淋淋，抵讚。餐廳同時提供 Stone Grill 同網燒，但係分開兩層的，有選擇困難症嘅，去之前最好諗定食哪邊先 😅點餐都係以自助形式，接受八達通、信用卡等電子支付，都算方便。不過得一台點餐機，人多時可能要等一下嘞。今次試咗石燒，食物方面，點咗牛肩、封門柳，兩件都揀咗 250g，另外叫咗檸檬薏米水。跟餐有湯、沙律、飯（飯量自選），唔夠食可以 Refill 一次。肉質方面，封門柳係好腍，但牛肩性價比更高。調味方面，有岩鹽、黑胡椒、日式醬汁，隨便落。其實簡簡單單加一點鹽己很好。薏米水就有啲「澀」，應該係啲檸檬皮處理得唔好，要留意改善啦！