相撲手日式放題 (已結業)

雖然天氣涼涼地，都唔會減低我地對日式放題既興趣，最鍾意就係唔洗就住就住，不停食刺身！ 尖咀相撲手日式放題都唔錯，款式多，食物質素亦唔錯！刺身三文魚厚切，新鮮啖啖肉又肥美！ 象拔蚌夠新鮮既鮮味爽口，一d都唔腥！ 牡丹蝦大隻好鮮甜肉質口感新鮮！ 北寄貝大大隻，蠔肉唔腥又爽口！ 厚燒玉子蛋，外面燒得岩岩好，凍食口感非常好！ 火灸壽司，岩鹽燒三文魚，外層輕輕燒過加上少少鹽上面，係食三文魚既另一個唔差選擇，法國鵝肝，份量都ok，鵝肝甘香得黎，外層少少煎過效果，內裡淋淋口感唔錯！ 火灸鰻魚，鰻魚燒得岩岩好，味道唔錯！ 牛油果卷物，牛油果新鮮淋身，非常好味！呢到特別之處，連中式湯水都有，原盅燉湯，都足料味道都好清甜唔錯！ 就算食多左炸物都唔怕熱氣！ 飲品以罐裝為主，選擇都好多！