影片
更多
2020-11-07
1011 瀏覽
哩間食店一直都有好多人排隊。今日我又來趁熱鬧排隊食呢間舖頭。未食先讚👍真係要讚下佢哋貼心嘅服務。烈日當空，一路排，太陽一路曬住我哋，服務員好貼心咁攞咗把縮骨遮俾每一位排隊嘅食客。我呢一啲見光死嘅彊屍，即刻眼前一亮。🤩雖然呢間舖頭係食台灣菜，但係就冇傳統嘅蚵仔煎，線麵，或者刈包。佢主打都係台灣便當。感覺上有少少似日式便當，不過就將日式餸菜變成鹽酥雞或者雞腿又或者魯肉。我嗌左魯肉伴麵，我一直以為會似刀削麵，點知佢係圓轆轆似米線嘅麵，食落去非常煙韌。大少叫咗椒鹽雞腿飯。佢就話味道一般。餐飲我哋嗌左黑豆牛蒡茶，雖然係茶包，但係個味道甘甘香香有少少似飲緊花旗參嘅感覺。飲到一半，我仲好厚面皮咁叫侍應幫我加熱水返沖個茶包。總括來說服務一流，味道OK啦，可以揀少人嘅時候去食。
未食先讚👍真係要讚下佢哋貼心嘅服務。
烈日當空，一路排，太陽一路曬住我哋，服務員好貼心咁攞咗把縮骨遮俾每一位排隊嘅食客。我呢一啲見光死嘅彊屍，即刻眼前一亮。🤩
雖然呢間舖頭係食台灣菜，但係就冇傳統嘅蚵仔煎，線麵，或者刈包。佢主打都係台灣便當。感覺上有少少似日式便當，不過就將日式餸菜變成鹽酥雞或者雞腿又或者魯肉。
我嗌左魯肉伴麵，我一直以為會似刀削麵，點知佢係圓轆轆似米線嘅麵，食落去非常煙韌。
大少叫咗椒鹽雞腿飯。佢就話味道一般。
餐飲我哋嗌左黑豆牛蒡茶，雖然係茶包，但係個味道甘甘香香有少少似飲緊花旗參嘅感覺。飲到一半，我仲好厚面皮咁叫侍應幫我加熱水返沖個茶包。
總括來說服務一流，味道OK啦，可以揀少人嘅時候去食。
張貼
