牛角次男坊 (東薈城名店倉) (已結業)

星期六同朋友去咗食依間餐廳，之前都已經聽日講佢好好食，仲要依家外賣有優惠！咁我當日就係餐內用膳，入座前就大概係2點15左右，咁同朋友諗好食咩嘅時候就要出櫃枱點order.但係店員好貼心咁提醒我地話仲有15mins就到下午茶時間，會平好多，叫我地等多陣先再去order. 好值得表揚👍🏼。講番餐點先，我同朋友一個食牛肉定食同豚肉定食，再各加一隻蛋，埋單先$150左右，仲有送咗枝細細枝嘅飲品。味道方面豬肉同牛肉嘅肉質都唔會話燒到好乾仲有少少嘅嘅油香，所以60蚊食依個餐絕對係超值！！會再食！