Futago HK大阪燒肉

營業中

休息中

既然自己咁鐘意食嘢，又咁有要求，我覺得應該多啲同大家開心share！食物價錢平貴都係其次，最重要係值嗰個價錢，好味又食得開心以前無話特別鐘意食燒肉，可能同朋友揀食燒都會選擇韓燒，後來遇上一個嘴刁嘅男朋友，對日本燒肉有種情意結，令我漸漸提起對燒肉的興趣同品質嘅追求。兩次食Futago都係即興，一次成功walk-in，今次就即日訂枱，不過就只有5:30-7pm時段，但其實都好夠時間食，唔會趕，早啲食都無所謂。提提大家，因為Futago枱唔多，想食最好都係提早訂枱，但因為佢地只會係兩個營業時段聽電話，所以要把握時機！第二次來到Futago大阪燒肉，燒肉質素的確保持得好好，服務就一般啦，或者係個別問題，體諒佢地要不斷幫客人燒可能會好攰，燒到麻木哈哈，如果可以多番啲笑容，多番啲同客人嘅交流，可能食嘅過程會再開心啲。