影片
更多
2009-04-30
91 瀏覽
今年老豆生日~想食中菜岩番屋企人口味...見陶源$1880個餐有魚翅同鮑魚都幾好咁,同埋亞妹個friend食過另外一間分店都唔錯...所以就book左一家人去食喇!如果話食物既話其實都可以既,無話難食亦無話特別好食!個餐本身係有一條清蒸石斑既,點知到叫左個餐之後就話個日無入石斑喎......就話轉個西蘭花炒斑片比我地!咁屋企人鍾意食蒸魚,問佢如果轉其他魚幾錢喇...個女經理就話:其他好大條嫁喎!成600幾錢喎!(大大聲咁講)又話轉個d係龍"等"黎嫁...好新鮮咁喎咁老豆話由佢喇!就咁轉炒個個算喇...點知黎到既時候...淨係得好大碟西蘭花上面得4-5舊所謂既龍"等"片...用條石斑黎換依d比人...真係唔該晒!唔明點解我亞妹晏晝去訂位同訂依個餐個時又唔同佢講明無呢...明明都即日去問嫁喇!係咁叫我地試埋其他單點呀...又話最出名係叉燒...叫左個$98既得番半份咁照叫左個例牌...黎到都唔覺得好食...另外到服務...真係無諗過會係咁囉.....傳菜既放低就走,又唔叫人黎上菜...就咁放係後面張枱到等到有人發現先黎上...個經理一路係到整熱d鮑魚個時一路係到同人傾計...d口水係咁飛.
見陶源$1880個餐有魚翅同鮑魚都幾好咁,同埋亞妹個friend食過另外一間分店都唔錯...
所以就book左一家人去食喇!
如果話食物既話其實都可以既,無話難食亦無話特別好食!
個餐本身係有一條清蒸石斑既,點知到叫左個餐之後就話個日無入石斑喎......就話轉個西蘭花炒斑片比我地!咁屋企人鍾意食蒸魚,問佢如果轉其他魚幾錢喇...個女經理就話:其他好大條嫁喎!成600幾錢喎!(大大聲咁講)又話轉個d係龍"等"黎嫁...好新鮮咁喎
咁老豆話由佢喇!就咁轉炒個個算喇...點知黎到既時候...淨係得好大碟西蘭花上面得4-5舊所謂既龍"等"片...用條石斑黎換依d比人...真係唔該晒!
唔明點解我亞妹晏晝去訂位同訂依個餐個時又唔同佢講明無呢...明明都即日去問嫁喇!
係咁叫我地試埋其他單點呀...又話最出名係叉燒...叫左個$98既得番半份咁照叫左個例牌...黎到都唔覺得好食...
另外到服務...真係無諗過會係咁囉.....
傳菜既放低就走,又唔叫人黎上菜...就咁放係後面張枱到等到有人發現先黎上...
個經理一路係到整熱d鮑魚個時一路係到同人傾計...d口水係咁飛...有幾衛生呢
到叫佢上埋個燕窩糕喇...又話:燕窩糕好似無晒喇喎...不過都唔好食既...普通個d仲好食喇!
咁係咪即係你買晒既就唔好食...賣淨番既就好食d呢?!同埋個餐有既就咩都無...咁都得
最令人唔滿意既...
咁到食完埋單走喇!比完信用咭之後問佢拎番張收據喇...睇一睇先知原來佢個叉燒收多左錢!
同個女經理講喇...佢就咁拎左張收據之後走埋收銀到!之後就一路傾住電話(自己既手提)一路拎住$48現金過黎...就咁放低係枱,話:係呀!check左收多左依家比番現金你...因為visa碌左vold好煩嫁...我亞妹想問番佢之前加10%服務費個到收多左要扣番個時佢已經走番入去講電話!
嘩...個時真係好嬲囉!咩叫碌左vold好麻煩先...係你地既錯誤黎喎...仲要係到傾電話,就咁放低錢就走左去...咁其實唔係vold單麻煩囉~係阻住佢傾電話啫!vold張單一個制有幾煩呀...唔係當我唔識呀...
咁我同亞妹去完廁所之後問另外一個女仔個個女經理叫咩名喇!個個女經理就走過黎!我亞妹就睇下佢個名牌姓張既......佢都仲係傾緊電話...笑住咁問:你唔係想投訴我呀嘛?
一路轉菜一路傾計...大大聲既...傾電話既都係依位"張小x"經理!
其實以依個價錢...6個人都成$2300喇!但係換黎d咁既服務...而d食物又只係普通酒樓咁既...
要既野又無既...真係唔值囉...試完依次之後,我一定唔會再去依間旺角"陶源"囉!
完全唔覺得係一間所謂出名既"鮑魚專門店"囉!!!
張貼