影片
更多
2010-04-12
22 瀏覽
琴晚同男朋友去左lee間茶餐廳食飯, 食到成肚氣!!首先我地一入到去, 個waiter已經話, "你兩個坐去0個張檯"....語氣已經呼呼喝喝咁, 是但啦, 我諗住茶餐廳waiter都係咁上下態度。一坐低, 有個waiter收返上檯客人0既食物時, 倒左半杯茶落我男友件衫度。但個waiter若無其事, 我男朋友猛抹件衫, 個waiter明明睇到知係自己倒瀉野都無say sorry。跟住叫野食, 我見個餐牌寫「全日特餐」, 供應時間係全日, 咁咪叫lee個餐law。我一叫, waiter話「無lee個餐」, 我只係問多句「e? lee度寫.....(我想講"e?lee度寫全日特餐wor")」都未講完, 個waiter已經好唔耐煩咁話「總之我宜家話你知無lee個餐呀!」...嘩,我聽完個下真係好想走, 但淨飲雙計, 唔想益lee間咁既茶餐廳。最後我叫左個水餃米線, 男朋友叫牛腩米粉。其實食物味道係唔差, 不過細碗左d啦 (都要$30一碗), 同埋我食到d水餃有幾粒硬野, 唔知咩黎。我地食野時, 又黎左d內地遊客。個waiter一開始就話「你們要坐圓檯」,班內地客想坐卡位, waiter話「
首先我地一入到去, 個waiter已經話, "你兩個坐去0個張檯"....語氣已經呼呼喝喝咁, 是但啦, 我諗住茶餐廳waiter都係咁上下態度。
一坐低, 有個waiter收返上檯客人0既食物時, 倒左半杯茶落我男友件衫度。但個waiter若無其事, 我男朋友猛抹件衫, 個waiter明明睇到知係自己倒瀉野都無say sorry。
跟住叫野食, 我見個餐牌寫「全日特餐」, 供應時間係全日, 咁咪叫lee個餐law。我一叫, waiter話「無lee個餐」, 我只係問多句「e? lee度寫.....(我想講"e?lee度寫全日特餐wor")」都未講完, 個waiter已經好唔耐煩咁話「總之我宜家話你知無lee個餐呀!」...嘩,我聽完個下真係好想走, 但淨飲雙計, 唔想益lee間咁既茶餐廳。
最後我叫左個水餃米線, 男朋友叫牛腩米粉。其實食物味道係唔差, 不過細碗左d啦 (都要$30一碗), 同埋我食到d水餃有幾粒硬野, 唔知咩黎。
我地食野時, 又黎左d內地遊客。個waiter一開始就話「你們要坐圓檯」,班內地客想坐卡位, waiter話「不可以！」遊客見到牆上貼左張餐牌, 就問waiter, waiter話「這個和檯上的一樣, 不用看牆上的」、「我說！ 跟檯上一樣的！」諸如此類的誨氣說話。
最後我同男友都以最快速度食完, 因為我地都好想走, 從未試過食得咁唔開心。食0個兩碗粉埋單都要over$60, 真係貼錢買難受！我覺得如果你間茶餐廳係做到街知巷聞, 人人讚好的話, 你d服務態度差, 我都明白點解你咁串。但lee間野又唔出名, 食物又唔係真係極度好, 我唔知究竟憑咩去咁樣serve客人！
張貼