影片
更多
2012-10-07
1352 瀏覽
開個OPENRICE戶口, 本來目的都係諗住將啲心水開飯地點公諸同好, 隱惡揚善 ... 不過最近食過呢間野, 真係攪到我要破戒, 不吐不快! 觀塘APM呢頭搵野食, 一向都唔容易, 個晚7點左右, 行咗一ROUND APM, 間間都要等 , 於是轉去鱷魚恤中心睇睇 ..., 先先上去七樓彩晶軒, 點知FULL HOUSE , 於是神推鬼擁落咗去六樓 ...一出LIFT已經有個好醒目嘅知客問: 先生幾多位? ... 來不及反應已經比佢帶咗入去坐低, 四圍望一望, 咦咦 ... : 點解冷冷清清, 得個幾檯客嘅? 心諗: 無所謂啦, 仲好! 可以清清淨淨咁食一餐.侍應奉上功夫茶, 夠晒苦, GOOD! 跟住花生一碟, 係"琳"嘅炸花生 ... 個心即刻涼咗一截.跟住叫野食, 酒樓無提供正式餐牌, 每檯都係放低幾張特價餐單紙, 提供特價套餐, 特價小菜等等, 平民菜式, 以潮式和粵式為主.當晚點了一個二人餐$218 一湯兩餸, 再加四隻茄汁"大"虎蝦, 每隻$22.先上個湯, 選了瑤柱花菰炖茶膽, 基本上係一碗加咗味精嘅東菰湯, 不過睇菜膽嘅焾身程度, 都應該用咗佢幾個鐘頭煤氣錢嘅!
不過最近食過呢間野, 真係攪到我要破戒, 不吐不快!
觀塘APM呢頭搵野食, 一向都唔容易, 個晚7點左右, 行咗一ROUND APM, 間間都要等 , 於是轉去鱷魚恤中心睇睇 ..., 先先上去七樓彩晶軒, 點知FULL HOUSE , 於是神推鬼擁落咗去六樓 ...
一出LIFT已經有個好醒目嘅知客問: 先生幾多位? ... 來不及反應已經比佢帶咗入去坐低, 四圍望一望, 咦咦 ... : 點解冷冷清清, 得個幾檯客嘅? 心諗: 無所謂啦, 仲好! 可以清清淨淨咁食一餐.
侍應奉上功夫茶, 夠晒苦, GOOD! 跟住花生一碟, 係"琳"嘅炸花生 ... 個心即刻涼咗一截.
跟住叫野食, 酒樓無提供正式餐牌, 每檯都係放低幾張特價餐單紙, 提供特價套餐, 特價小菜等等, 平民菜式, 以潮式和粵式為主.
當晚點了一個二人餐$218 一湯兩餸, 再加四隻茄汁"大"虎蝦, 每隻$22.
先上個湯, 選了瑤柱花菰炖茶膽, 基本上係一碗加咗味精嘅東菰湯, 不過睇菜膽嘅焾身程度, 都應該用咗佢幾個鐘頭煤氣錢嘅!
小菜1, 炸子雞半隻, 是半隻被人在冰箱裡放了好久好久好久的可憐春雞仔! 大家諗吓, 隻春雞仔炸完之後, 再點埋勁咸醬汁, 放落口都仲可以食到雪味, 仲要係勁柴皮, 隻雞仔究竟係有幾咁新鮮!
小菜2, 煎煮紅魚, 潮州製法, 當然唔係新鮮魚啦, 不過可食用指數比起炸子雞高好多, 勉強收貨啦!
茄汁"大"虎蝦, 味道算OK, 不過用雪藏海中蝦, 就話係"大"虎蝦, 老細, 你當啲客傻架咩!!!
總之除咗"環境清幽"之外, 無樣野係讚得落, 拿拿聲食完走人. 呢次完全無影相, 因為無諗過要推介.
題外話1: 期間仲聽到後面有檯客問擺酒啲野 心諗: 祝你地好運, 我意思係比佢請去飲嗰啲賓客!
題外話2: 返到屋企覺得周身唔舒服, 興烚烚, 抖唔到氣咁, 心知已經中咗強勁嘅"味精毒", 唉! 呢次名副其實貼錢買難受...
張貼