東京一番 (已結業)

第一次嬲到要上openrice寫食評！！以下只有文字沒有相，因為當時已經嬲到爆，無心情影相。未試過食咁差嘅放題，用正價價錢幫襯，仲衰過比人打劫嘅感覺!!!首先打電話book枱無人聽，於是walk in 去約七點，寫埋枱號比我，轉頭翻到去話張枱比人坐左，算。等左陣之後上到去係比張摺枱我，都算。又無點食物嘅紙，問佢拎完之後又唔比支筆我，滴血寫咩。雪櫃飲品一d都唔凍，兩個鐘嘅放題有個半鐘係等，熱食黎到一d都唔熱，重覆order左兩次嘅食物都係無黎，真係火都黎埋，叫我order多次，唔駛五分鐘之後即係有部分野食黎，但用餐時間已經淨翻15分鐘，倒落個口到唔咬都唔夠時間啦！呢間餐廳絕對唔合格，比負分都形容唔到嘅差。我喺櫃枱埋單好嬲咁同收銀員講話我喺佢fb到寫左意見，佢話會叫佢公司喺fb回答我因爲佢地並無任何意見書可以比我寫，但事隔幾天，一個回覆，怎至一個like証明睇左嘅都無，恭喜你，你係得嘅。