影片
更多
2024-07-05
24 瀏覽
夜晚收工諗住求其食碗麵，眼看呢間野冇乜人，啲位幾闊落咁，隔離果間坐滿晒勁多人，咁就入呢間試下啦⋯⋯點知中晒伏！點咗崩沙腩幼麵$55，加$8凍檸茶，從未食過咁難食嘅麵！口感似鐵線…檸檬茶隻杯勁油，飲都未飲過，一拎就跣手倒瀉晒成枱都係，2個職員掛住傾計叫幾次先幫手，短髮職員本來話俾過杯我地，見到佢沖完後，俾另一金髮職員阻止，就咁擺喺出菜位，2個繼續做其他野，俾定唔俾都回覆一聲丫！之後金髮女走嚟串串共話要過杯另外收$18，都幾搞笑！其實俾唔俾過杯好少事，但處事手法好有問題，到起身埋單又係，見到你喺櫃位都要掛住傾計，叫先不情願地嚟收錢，同佢地講啲杯真係好油，洗乾淨啲，金髮女藐咀藐舌，態度輕挑地回應「好呀！」態度惡劣得令人扯火！直頭幫餐廳趕客，食到一肚氣，相都冇影！一定唔會再去！
點咗崩沙腩幼麵$55，加$8凍檸茶，從未食過咁難食嘅麵！口感似鐵線…檸檬茶隻杯勁油，飲都未飲過，一拎就跣手倒瀉晒成枱都係，2個職員掛住傾計叫幾次先幫手，短髮職員本來話俾過杯我地，見到佢沖完後，俾另一金髮職員阻止，就咁擺喺出菜位，2個繼續做其他野，俾定唔俾都回覆一聲丫！之後金髮女走嚟串串共話要過杯另外收$18，都幾搞笑！
其實俾唔俾過杯好少事，但處事手法好有問題，到起身埋單又係，見到你喺櫃位都要掛住傾計，叫先不情願地嚟收錢，同佢地講啲杯真係好油，洗乾淨啲，金髮女藐咀藐舌，態度輕挑地回應「好呀！」態度惡劣得令人扯火！直頭幫餐廳趕客，食到一肚氣，相都冇影！一定唔會再去！
張貼