TORIO喫茶部 (已結業)

我同友人打算開開心心食個下午茶， 點知遇到態度超差既員工，成到成肚氣。我地係門口等左一陣入去，之後個女職員帶我地去普通2人坐位，之後見到卡位既客人咁岩走左，我地就有禮貌問佢可唔可以轉卡位。佢就即黑面話，咁你出返去門口等陣。之後我地坐左卡位，等待食物期間想影下相，之後我就影相，可能影個時企左出個卡位小小。個女職員就即卡話影相唔好阻到其他人，語氣好差，一句唔該都冇。仲要去返同佢同事講，所以水吧同事望曬過黎，仲聽到佢大大聲講幫唔好影。送食物黎個時都大大聲擺低，咩都唔講走左去。我同友人食到成肚氣，野食普通。之後走個時同個女職員講返你態度好差，之後佢態度好輕挑，話對唔住喎。之後個唔知係咪負責人仲大大聲話我地阻住佢同事擺低野，叫我地同佢同事道歉！咁既服務態度真係第一次見，唔會再幫襯，請我都唔去！員工態度有問題仲要咁樣對客人，祝呢間野早日結業。