影片
更多
2018-09-04
2319 瀏覽
咁啱今日放假，身痕走咗去做GYM，做完GYM好肚餓，想補充下蛋白質(同脂肪)，第一時間就諗到想食三文魚壽司。香港仔呢間魚尚都開咗幾年，好多人覺得連鎖外賣壽司店整嘅壽司會唔乾淨，但好彩我食咗呢間幾年都冇肚痛過。平時中午或者夜晚食飯時間，都會見呢間舖入面堆滿哂人買壽司，證明呢間野係平，不過都唔會差得去邊。而且一直都覺得魚尚推廣得好好，每過一排就會有新產品推出，或者有其他優惠活動，可能就係咁吸引咗好多「當潮流愛''新''鮮」嘅人。今日中午入到舖，發現有好多人，好多都係中學生，大概係因為而家開學冇耐，仲係早放學掛。壽司有好多選擇，仲有好多千奇百趣嘅新壽司，我見過有個午餐肉煎蛋飯團，不過都係唔想試伏。本身打算買雜錦三文魚壽司盛(10件/$32)，但計計下，你會發現自己單買10件都係$30，所以魚尚做得最白痴嘅野就係買一盒盒嘅壽司會貴過散買幾蚊，其實唔止呢樣，其他種類嘅壽司都係咁fake，次次見到我家兩老咁買真係會好火，心諗：點解又要中伏。所以最終我揀散買，我食呢D壽司店一定唔食蟹柳壽司，因為蟹柳+飯，自己屋企都整到啦，而最後就精選咗以下看似不太伏的壽司。三文魚、三文魚沙津、八爪魚、鰻魚、飛魚子、
今日中午入到舖，發現有好多人，好多都係中學生，大概係因為而家開學冇耐，仲係早放學掛。壽司有好多選擇，仲有好多千奇百趣嘅新壽司，我見過有個午餐肉煎蛋飯團，不過都係唔想試伏。本身打算買雜錦三文魚壽司盛(10件/$32)，但計計下，你會發現自己單買10件都係$30，所以魚尚做得最白痴嘅野就係買一盒盒嘅壽司會貴過散買幾蚊，其實唔止呢樣，其他種類嘅壽司都係咁fake，次次見到我家兩老咁買真係會好火，心諗：點解又要中伏。
所以最終我揀散買，我食呢D壽司店一定唔食蟹柳壽司，因為蟹柳+飯，自己屋企都整到啦，而最後就精選咗以下看似不太伏的壽司。
三文魚、三文魚沙津、八爪魚、鰻魚、飛魚子、芝士飛魚子、味附螺肉、唔記得乜沙津壽司 & 三文魚沙津手卷
三文魚壽司
$3
67 瀏覽
0 讚好
0 留言
係咪影到舊三文魚好厚呢！其實佢唔算薄，冇腥冇臭，但唔夠油脂，香味都差少少，點咗豉油之後又幾好食。
鰻魚壽司
$3
54 瀏覽
0 讚好
0 留言
今日條鰻魚比較hea，睇顏色就知，好似好乾咁，麻麻地！
三文魚沙津壽司
$3
93 瀏覽
0 讚好
0 留言
切左粒嘅三文魚，感覺好食D，沙津醬比較油膩，帶少少咸味，似芝士+三文魚多D！
飛魚子壽司
$3
96 瀏覽
0 讚好
0 留言
飛魚子比較大粒，食落粒粒分明，唔錯，份量都好夠，係我開包裝時唔小心整跌好多飛魚子。
味附螺肉壽司
$3
80 瀏覽
0 讚好
0 留言
料就夠多，係甜咗D。
唔記得乜沙津壽司
$3
44 瀏覽
0 讚好
0 留言
幾好食，睇落將幾種壽司嘅料撈埋一齊。
芝士飛魚子壽司
$3
66 瀏覽
0 讚好
0 留言
講真，賣相真係差，芝士夠多，食落係兩種唔同咸味一齊咁囉。
八爪魚壽司
$3
50 瀏覽
0 讚好
0 留言
偏甜，千萬不要幻想自己食緊甜醬壽司。
三文魚沙津手卷
$10
51 瀏覽
0 讚好
0 留言
飯多料少，早知叫多3舊壽司仲好，勝在食完係夠飽。
食魚尚就係咁，食之前會幻想一切都好美好，食完就覺得OK啦，咁嘅價錢的確比同類壽司店較好，所以下次都係會繼續食同中伏。
張貼
