影片
更多
2015-06-10
6369 瀏覽
晌雜誌睇過水木嘅介紹，以質素上乘又抵食作招徠，頗有吸引力，好嘢就自然想試 ，這晚，同好友前往，目的就喺細味高質素嘅日本菜。又睇睇喺咪咁高質素、咁抵食先！水木位處一幢舊商廈之內，上到鋪面，有啲秘竇嘅感覺 。環境以柔和木系裝潢為主，一貫和風風格。顯然，水木喺做日本客居多，而且大部份喺熟客，因為，除日文滿天飛之外，好多客一入嚟就跟師傅打招呼及寒暄。一入門口左邊有個半開放嘅小個室，而餐廳最尾埋邊有兩個貴賓房，一大一細，前者可以坐到10人，而後者亦可以容納4-6人。 餐前小碟 $98 店家有多款小食，不過，都喺常見嘅款式，所以，不妨問問店員，佢哋經常有啲新款小食，今晚，就有幾款額外新加嘅餐前小食。 梅子沙魚骨，戒咗食魚翅，但食沙魚骨就無妨，小弟都喺第一次食，爽爽脆脆，又有啲韌咁，梅子味頗重，食食吓會覺得頗酸，但就好開胃！ 梅水晶，其實喺醋醃海蔘，以柚子醋嚟調味，味道幾清新，而海蔘唔似一般海蔘軟腍腍，反而比較硬身，食落較有嚼勁，未必個個人覺得啱食。 粒貝螺肉，依個螺肉幾好食喎，軟軟腍腍，又有朕芥末味。不過，總感覺幾款細細碟嘅餐前小碟，定價有啲高。 蟹籽冷麵沙律 $120 本來
水木位處一幢舊商廈之內，上到鋪面，有啲秘竇嘅感覺 。
環境以柔和木系裝潢為主，一貫和風風格。顯然，水木喺做日本客居多，而且大部份喺熟客，因為，除日文滿天飛之外，好多客一入嚟就跟師傅打招呼及寒暄。
一入門口左邊有個半開放嘅小個室，而餐廳最尾埋邊有兩個貴賓房，一大一細，前者可以坐到10人，而後者亦可以容納4-6人。
餐前小碟 $98 店家有多款小食，不過，都喺常見嘅款式，所以，不妨問問店員，佢哋經常有啲新款小食，今晚，就有幾款額外新加嘅餐前小食。
餐前小碟
$98
48 瀏覽
0 讚好
0 留言
梅子沙魚骨
46 瀏覽
0 讚好
0 留言
醋醃海蔘
58 瀏覽
0 讚好
0 留言
粒貝螺肉
92 瀏覽
0 讚好
0 留言
本來想試個北海道薯仔沙律，但店主話有款新出品，就喺依碗蟹籽冷麵沙律。麵條超煙韌，口感冰冰涼涼，撈咗啲胡麻汁，又加入火腿絲同蟹籽，感覺唔錯。
蟹籽冷麵沙律
$120
52 瀏覽
0 讚好
0 留言
以前都食過好幾次一夜干，其實一夜干喺北海道對當日捕獲鮮魚嘅一種食物保存處理方法，唔好見佢寫住「魚乾」就以為好似曬鹹魚咁，曬到「乾爭爭」，查實啲鮮魚會以味醂、醬油、鹽、糖……等等醃一醃，再風乾。食之前，再以慢火燒香，所以，魚味濃郁，肉質卻十分嫩滑 ，外皮又有少少碳火香味。
喜之次一夜干
$380
84 瀏覽
0 讚好
0 留言
蒜片牛柳粒 $190 牛柳粒非常腍滑，黐住少少肥膏，入口滿口油香，又帶有濃濃蒜香；而伴菜喺以北海道薯仔做嘅薯蓉，仲以為喺熱嘅添，原來以沙律形式咁食，食落冰冰涼涼，質感好軟滑兼有濃郁薯味。
蒜片牛柳粒
$190
61 瀏覽
0 讚好
0 留言
壽司盛合 $680 晌度食壽司實在要花多少少錢，平均一件要$45-$60，最貴嘅吞拿魚腩或海膽更要過百，因為的確感受到用料精。由近至遠，分別有馬糞海膽、三文魚子、帶子、新鮮牡丹蝦、深海池魚、吞拿魚（赤身）、金目鯛及吞拿魚腩（大拖羅），雖然唔喺試晒，但食咗幾款，已覺得超正 ，尤其啲馬糞海膽超綿滑，豐腴甘香，而吞拿魚腩富有油香，肉質細緻嫩滑，至於飯粒，搓得緊緻唔鬆散，入口卻喺軟綿黏糯 。
壽司盛合
$680
133 瀏覽
0 讚好
0 留言
赤麵豉湯 $35 麵豉湯就飲得多，赤麵豉湯就較少接觸，飲落較一般麵豉湯仲要濃多啲，睇色澤你都覺得有分別，而湯內仲混有少少昆布及小菇菌。若果怕太濃，平常見開嘅麵豉湯都一樣有供應，同樣賣$35碗。
赤麵豉湯
$35
170 瀏覽
0 讚好
0 留言
基本上，店家無刻意供應甜品，因為晌餐牌無甜品一欄，不過，晌枱面上就見到有和櫻屋（ Wasakuraya）嘅兩款和風布甸介紹（芝麻及紫芋味）。向店長查詢一下，原來啲和櫻屋布甸都唔喺用嚟賺錢，志在回饋食客，所以定價超平，只賣$20一客，如食夠$600、$700甚至免費送埋俾客人。需知道，和櫻屋嘅布甸，嚴格挑選以全日本食材直接入口，成份天然，又無添加，零售價要成$30、$40，依家近半價，又點可以唔試 。
芝麻、紫芋布甸 $20 小弟要嘅喺芝麻布甸，質感超滑溜，與其叫布甸，我覺得似慕絲多啲，而芝麻味唔止濃，仲好香，直頭濃到好似食芝麻糊嘅程度，再者，陶碗盛着布甸，以木碟、木匙奉客，更感雅致 。至於，紫芋布甸，即喺我哋慣叫嘅紫薯，黐咗一小口試試，口感無疑一樣咁滑，紫薯味天然粉香，真喺好味。
芝麻、紫芋布甸
$20
146 瀏覽
1 讚好
0 留言
雖然水木喺一處高消費嘅地方，但果真一分錢一分貨，食材用料的確高質，無欺場嘅感覺，招呼亦好用心，上菜速度又恰好，讓人可以整晚都食得稱心舒服 ，真喺一頓賞心悅目嘅和風晚宴。
張貼
