一日三餐 (已結業)

近嚟最紅嘅茶餐廳，一定唔少得呢間，飛機師做老闆，剩係呢點都熱爆，難怪經常大排長龍，想食就要避開 peak hour。我十二點鬆啲就去到，等咗一陣就有位。叫咗個五一常餐，配杯小店名物賞花杏仁露。杏仁露好厚身，唔太甜，杏仁味亦唔算濃，配埋面頭嘅玫瑰花瓣，幾清香，唔錯👍。常餐我揀咗豬扒公仔麵，多士，腸仔同薯餅，最好食係塊丹麥多士，本身已經充滿牛油香味，面頭仲搽咗一 pat 厚厚嘅牛油，真係香上加香😍；至於其他食物就正正常常，豬扒雖然好大塊，但係肉質比較實；薯餅似一般凍肉舖賣嘅貨色😂，口感好粉，油亦落多咗，有朕油味😐。下次要試下悅和豉油雞，燒賣皇后燒賣等名物。