影片
更多
2017-11-09
1900 瀏覽
非常非常有人氣的小餐廳…好似話係出名好有文青feel!好多人就以店後一幅壁畫做打卡熱點，但當日落雨、而且該壁畫是處於後行﹝位置少許dirty﹞，所以氣氛自然大打折扣。步入室內，我覺得是舒服多於文青feel~一來枱椅是用木製作的，顏色十分柔和。二來光線充呎﹝雖然落雨﹞，擺設及水吧位置都一目了然，唔經唔覺又坐耐左啦。消費係唔平，閒閒地一樣野四五十蚊，但總要食下、飲下野。(遠遠見到ET仔望住我,所以我唔敢唔叫野)餐牌設計都幾特別、又乎合經濟成本效益，始終紙menu爛左又可以輕易print過，又快又平。我叫左一個芝士蛋包同一杯蜂蜜牛奶，而我朋友叫左個店入面最出名既咕嚕菠羅雞包。先講咕嚕菠羅雞包，用菠羅去襯衫肉類食品已經唔係咩新鮮事啦、既可以提升肉香減低油膩、又可以多d汁汁。但到底呢個包「咕嚕」左在那個位置？唔通炸過塊雞呢個方法就已經叫「咕嚕」？切開塊雞我睇落就覺得都好似幾乾水，無咩肉汁咁款，但我朋友話都叫ok既…俾我就唔會叫啦，寧願叫豬手包好似仲有睇頭。始終同我想像似咕嚕肉漢堡包實在差太遠啦…我果個係芝士蛋包，講真，有幾難整？屋企炒個蛋、夾塊芝士應該唔會浪費好多時間掛？佢夠薑攞得出黎賣而且仲要
非常非常有人氣的小餐廳…好似話係出名好有文青feel!
好多人就以店後一幅壁畫做打卡熱點，但當日落雨、而且該壁畫是處於後行﹝位置少許dirty﹞，所以氣氛自然大打折扣。
步入室內，我覺得是舒服多於文青feel~一來枱椅是用木製作的，顏色十分柔和。二來光線充呎﹝雖然落雨﹞，擺設及水吧位置都一目了然，唔經唔覺又坐耐左啦。
消費係唔平，閒閒地一樣野四五十蚊，但總要食下、飲下野。(遠遠見到ET仔望住我,所以我唔敢唔叫野)
餐牌設計都幾特別、又乎合經濟成本效益，始終紙menu爛左又可以輕易print過，又快又平。
我叫左一個芝士蛋包同一杯蜂蜜牛奶，而我朋友叫左個店入面最出名既咕嚕菠羅雞包。
先講咕嚕菠羅雞包，用菠羅去襯衫肉類食品已經唔係咩新鮮事啦、既可以提升肉香減低油膩、又可以多d汁汁。但到底呢個包「咕嚕」左在那個位置？唔通炸過塊雞呢個方法就已經叫「咕嚕」？
切開塊雞我睇落就覺得都好似幾乾水，無咩肉汁咁款，但我朋友話都叫ok既…俾我就唔會叫啦，寧願叫豬手包好似仲有睇頭。始終同我想像似咕嚕肉漢堡包實在差太遠啦…
咕嚕雞包
39 瀏覽
0 讚好
0 留言
我果個係芝士蛋包，講真，有幾難整？屋企炒個蛋、夾塊芝士應該唔會浪費好多時間掛？佢夠薑攞得出黎賣而且仲要收呢個價錢，應該有d料到！
一擺落口，天呀！世間居然有如此美味？香、鬆、濃集於一身！個芝士真係咸香到不得了，蛋又炒得非常之滑，我真係忍唔住好想即刻食第二啖。點知第二啖開始，個感覺愈來愈不良-個自家製既包雖然好鬆脆但係都幾油。另外個芝士比較濃味，好heavy…油加濃就真係唔太頂得順，適合share多過獨食。
芝士炒蛋包
43 瀏覽
0 讚好
0 留言
最值得一試居然係呢杯「蜂蜜牛奶」。台灣人處理蜂蜜的方法往往比香港人叻，記得在圓山站對出既短期食物展中、食過既蜂蜜雪糕只係6蚊港紙一杯，但係淡淡的香氣足以令我記足咁多年。屯販子既蜂蜜牛奶就有異曲同工之妙:唔會太冰太刺激味蕾，同時好好地融合左兩種食材既味道，牛奶唔酥、蜂蜜唔會確喉，好match!
蜂蜜牛奶
19 瀏覽
0 讚好
0 留言
張貼
