牧羊少年咖啡館 (葵青劇院)

營業中

休息中

十年間，牧羊少年一間變八間，都算係幾成功。早年都幾鍾意去太子店，因為有真 • 旅遊元素，之後旅遊感愈來愈少，變得同一般文青風 cafe 冇咩分別，就甚少再幫襯。早前，機緣巧合下，去咗葵青劇院呢間。呢間喺政府地場入面，估計租金較便宜，所以可以 afford 到一個旅遊書 corner👍。Lunch menu 想食嘅嘢唔多，幾經思考下，叫咗流心蛋腐乳卡邦尼長通粉同龍蝦汁鳳尾蝦意大利粉。前者優點係 pasta 夠 al dente，配料算多算夠味，不過腐乳味非常弱，卡邦尼亦整得唔算正宗，作為一個普通嘅 pasta 係幾好味嘅，但如果好似我咁畀腐乳同卡邦尼兩者吸引而 order 嘅話，就會失望。後者都有相近評價，都係 pasta 同配料較醬汁出色。隨餐附送嘅冰果茶就唔錯，茶夠濃，唔太甜，飲完，食埋伴杯嘅橙片同西柚片，感覺好 fresh 😚。