影片
更多
2017-12-11
210 瀏覽
星期日當然瞓到晏一晏，加上無工人姐姐煮午飯，緊係懶到食個下午茶就算啦。上到去餐廳唔算大，位唔算多，等咗10分鐘位好合理，新嘢要排隊好正常⋯⋯坐到埋位睇咗陣餐牌，當然仲會𥄫下隔離食乜架啦，但係幾張枱都無嘢食？！ok，過咗一陣，聽倒隔離位對老夫妻同個侍應講話等咗半個鐘連個菠蘿包都無⋯⋯再無耐好似傳染病咁又一枱後生男女同侍應講，我等咗好耐啦，如果未整我想轉下午茶？唉，心諗死火⋯⋯算啦新店可能係亂少少。好啦落order：二人餐(有蛋橽，星洲炒蘿蔔糕，蝦卷，鍋芙)，原本想叫蝦多士，可惜無(記住係無)，烤洋蔥叉燒餐包，九星連珠西多士，凍鴛鴦，熱咖啡。無耐另一位侍應話無叉燒餐包，改雞絲春卷。有啲失望，最想試個兩樣無賣相真係好好，好靚，環境好舒服，坐得好舒服，空間大，一啲都唔迫。嘢食好有特色，西多好細心，切成八粒上碟，每一粒都有一粒鮮牛油。炸物唔油膩。咖啡係蒸餾咖啡，唔係懷舊式咖啡。所以本人覺得配港式奶茶(鴛鴦)就一般。差唔多食完，望望隔離新嚟嘅一對點解有蝦多士？無聊問返落order位侍應，佢諗咗兩秒，拎轉面口upup走咗！隱弱聽倒頭先⋯⋯⋯⋯無⋯⋯⋯無⋯⋯⋯整體好好，不過如果服務太態再好少少，依家價
上到去餐廳唔算大，位唔算多，等咗10分鐘位好合理，新嘢要排隊好正常⋯⋯
坐到埋位睇咗陣餐牌，當然仲會𥄫下隔離食乜架啦，但係幾張枱都無嘢食？！
ok，過咗一陣，聽倒隔離位對老夫妻同個侍應講話等咗半個鐘連個菠蘿包都無⋯⋯再無耐好似傳染病咁又一枱後生男女同侍應講，我等咗好耐啦，如果未整我想轉下午茶？
唉，心諗死火⋯⋯算啦新店可能係亂少少。
好啦落order：二人餐(有蛋橽，星洲炒蘿蔔糕，蝦卷，鍋芙)，原本想叫蝦多士，可惜無(記住係無)，烤洋蔥叉燒餐包，九星連珠西多士，凍鴛鴦，熱咖啡。
無耐另一位侍應話無叉燒餐包，改雞絲春卷。
有啲失望，最想試個兩樣無
賣相真係好好，好靚，環境好舒服，坐得好舒服，空間大，一啲都唔迫。
嘢食好有特色，西多好細心，切成八粒上碟，每一粒都有一粒鮮牛油。炸物唔油膩。
咖啡係蒸餾咖啡，唔係懷舊式咖啡。所以本人覺得配港式奶茶(鴛鴦)就一般。
差唔多食完，望望隔離新嚟嘅一對點解有蝦多士？無聊問返落order位侍應，佢諗咗兩秒，拎轉面口upup走咗！隱弱聽倒頭先⋯⋯⋯⋯無⋯⋯⋯無⋯⋯⋯
整體好好，不過如果服務太態再好少少，依家價錢就非常合理，例如
1. 落ordeq時留心少少
2. 答問題唔好一路行一路答，聽唔倒講乜？
3. 可以問我介唔介意等，但唔好答無。我知茶餐要快，唔想我坐咁耐
4. 唔係叫客人埋嚟拎嘢同走出去埋單囉。唔只我一個。可以話我「閻尖」，亦可以鬧我香港人麻鬼煩，茶餐廳咋喎，但係有收加一服務費！有少少服務嘅要求都唔係好過份？！
利東一帶開咗好多新餐廳、美食，差唔多試哂，雖然價錢唔算太平，但都食得又睇得。可能小弟今次對奇華期望太高，所以今次有啲失望。我相信都只係個別侍應嘅問題，因應之前隔離枱同我落order都相信係同一人。之後新嚟嘅客無依個問題。希望可以改善一下。
張貼