UG Elements 有機農場.餐廳.市場

營業中

休息中

黎到新蒲崗，估唔到有一間主打採用自家農場嘅有機食材製作菜式，仲有得買佢地嘅蔬菜返屋企煮添😂。-酸菜魚鍋🐟（$298）司令揀左羅非魚整依個酸菜魚鍋，賣相非常吸引，影相一流😂；全條魚經煎炸過，令到外皮帶點香脆，而魚比較少骨，食得好方便😁，飲湯嘅時候亦都唔會飲到魚骨添；食落味道夠酸，唔算太辣，口味較大眾，一家大細食就最岩啦。-山泉水藥膳醉雞煲🐔（半隻/$158）雞煲材料十足，飲落有好香嘅藥材香味同酒香，層次感豐富，食材用心，咬落杞子有啖啖嘅清甜味道😙；雞十分新鮮，肉質香嫩，食落帶點湯底嘅味道，沾少少豉油食味道會更佳😄。