紅橋 (已結業)

約左朋友去旺角行街，行之前就係附近搵間餐廳食個午餐先，食飽飽先有力氣行嘛。呢間午餐時間有幾個set lunch揀，包餐湯同飲品。 🍴中湯：蓮藕煲豬骨🍴西湯：忌廉湯兩款都普普通通。 🍴蜜糖雞下脾伴蛋包飯$60蛋包飯賣相幾靚，形狀飽滿，蛋包整得好軟嫩唔會老，入面既飯有d硬，亦唔係普通炒飯或者白飯，係撈左蛋漿既飯，個人麻麻地呢種濕濕黏黏既口感。而雞下脾即係雞槌，肉質偏硬，用刀都比較難切，裡面近骨頭位置有d紅，所以淨係食左外層就冇食了。 🍴黑松露忌廉汁雞胸柳燴意粉$60黑松露味道算香，雞胸柳有4塊，份量算幾多，不過肉質比較乾，忌廉汁意粉黎講亦乾左少少，汁唔夠呢。 一分錢一分貨，價錢親民既西餐，份量算多，但食物質素真係有待改善呢。