牛丼新造

營業中

休息中

賣相係靚仔，和牛飯然後上面加隻日本蘭王蛋喎。首先，呢間嘢單其實唔係咁多，不過由落單到有得食我都等咗接近30分鐘。第二，職員其實好多時都喺度傾計，唔知係咪啲嘢其實好簡單。第三，終於有得食不過發覺碟嘢係凍嘅。雖然啲牛肉有用火槍燙過，不過只係微暖。啲飯更加唔使講，係凍嘅。第四，見到有食客嚟攞餐嘅時候似乎係同第二個客嘅餐調亂咗，原來係因為有兩張單嘅號碼一樣。唔知做乜。最後，加埋蘭王蛋碟嘢接近$100，不過就絕對俾唔到$100嘅質素你。總括嚟講，睇得住間嘢新開，所以員工需要時間熟習。不過，態度（例如掛住傾計同埋凍飯）就應該唔關新開唔新開事。唔在意就係唔在意。