Seoulmate (京都廣場) (已結業)

Blue Monday 無乜mood 做野，放工搵d野食下，朋友book左間韓式cafe食，可以打下卡傾下偈🍴Cafe 星期一黎講都算幾full，入到去竟然真係有講韓文既oppa 係度🤣Menu 入面d飲品食物都算多選擇，有pizza、壽司、飯連甜品都有！ 我地兩個就 order左個靚靚火山飯同埋韓式餃子同二柸野飲先😋🎈草莓芝士奶蓋 🎈芒果芝士奶蓋呢期興飲芝士奶蓋，個奶蓋唔錯喎做得夠滑又夠香芝士奶味濃加埋兩款都有小小果肉係入面，好飲又夠滑！不錯😋👍🏻🎈泡菜豬肉餃子🥟餃子皮脆脆有口感，包著入面熱騰騰既泡菜同幾入味同 juicy既肉，幾出色同野味！伴碟的沙律都不遜色，沙律菜夠新鮮同加左柚子汁甜甜酸酸幾開胃！😋🎈烏卒卒櫻花蝦鰻魚火山飯賣相精緻夠特別，份量原來都幾大喎！火山口有個微熟蛋黃，店員建議我們要熱騰騰吃！切開個火山好香喔，呢個飯材料豐富！櫻花蝦既味幾濃，有蛋黃汁滲入個飯到，飯入面有鰻魚及醬汁同芝士也帶有小小黑松露味道，好香而且口感豐富，外層軟綿綿有驚喜🍴😋值得推介呢！