影片
更多
2021-10-29
454 瀏覽
之前聽朋友介紹話駱駝漆有間好正嘅甜品鋪係專賣撻。佢每個月都會推出限定款式，不過我覺得都係固定款式啱我口味多啲。雖然店面有現貨出售，但如果太晏嚟嘅話好多款式都會無，所以穩陣起見都係建議預先上網預約，佢個網可以早一個禮拜預約定，然後到時指定時間店面取貨比錢。今次試買左2個撻，分別係玄米抹茶麻糬撻以及伯爵茶麻糬撻。伯爵茶麻糬撻頂層係伯爵茶cream，雖然伯爵茶味唔算好出但食落好軟滑。中間夾層係cream cheese，本身無預期會有芝士，覺得依個撻嘅芝士味道反而仲突出過伯爵茶。最底層係麻糬，煙煙韌韌。成個撻嘅配搭食落又幾夾。玄米抹茶麻糬撻最頂層係玄米茶mousse，食到有淡淡嘅茶香，中間係抹茶生朱古力，非常軟滑而且抹茶味道頗突出。最底層同樣係麻糬，不過可能因為解凍得唔夠耐，所以食落偏硬身，口感無煙韌嘅感覺。雖然係咁，但依然覺得依個撻好食，成個撻唔會好甜，而且茶味有回甘，抹茶控一定要試下!另外我覺得佢嘅撻皮係整得頗為出色，非常香脆，而且比較挺身，攞上手唔會容易脆。同埋食得出佢撻皮底層係加左白朱古力。佢嘅牛油味唔算好重，所以唔會好油膩，個人反而幾中意依種口感。而且撻嘅內餡口感豐富，尤其抹茶嗰款茶
伯爵茶麻糬撻
頂層係伯爵茶cream，雖然伯爵茶味唔算好出但食落好軟滑。中間夾層係cream cheese，本身無預期會有芝士，覺得依個撻嘅芝士味道反而仲突出過伯爵茶。最底層係麻糬，煙煙韌韌。成個撻嘅配搭食落又幾夾。
玄米抹茶麻糬撻
最頂層係玄米茶mousse，食到有淡淡嘅茶香，中間係抹茶生朱古力，非常軟滑而且抹茶味道頗突出。最底層同樣係麻糬，不過可能因為解凍得唔夠耐，所以食落偏硬身，口感無煙韌嘅感覺。雖然係咁，但依然覺得依個撻好食，成個撻唔會好甜，而且茶味有回甘，抹茶控一定要試下!
另外我覺得佢嘅撻皮係整得頗為出色，非常香脆，而且比較挺身，攞上手唔會容易脆。同埋食得出佢撻皮底層係加左白朱古力。佢嘅牛油味唔算好重，所以唔會好油膩，個人反而幾中意依種口感。而且撻嘅內餡口感豐富，尤其抹茶嗰款茶味突出，甜度啱啱好。
食完之後覺得真係幾高質，難怪咁多人推薦，而且賣相吸引，啱哂打卡。買嚟做散水餅亦十分得體。佢一個撻$33，如果現場用現金比錢每個撻仲有再減$3。
張貼
