霸王風味 (已結業)

難得男友星期三放假，我都放吓假做跟得夫人，2口子由堅尼地城行到嚟中環，沿途都諗唔到食咩,最後嚟到中環，到咗我返工嘅主場地帶，即刻諗到可以一試霸王風味，呢間嘢想試好耐，但同事話貴，唔捨得食。 今次嚟到已經差唔多3點，佢哋套餐做緊7折，咁就食得過啦不過套餐佢哋每日唔同款，我好想食水煮類，可惜星期三冇，所以只好要咗個炸豬扒拼担担麵，男友諗唔到食咩餐，最後點咗羊肉串同啤酒。 呢個午市套餐可選3個，每個小小碟，好豐富咁!男友點嘅辣子羊肉，賣相吸引，口味不錯，羊味算重，辣度可以，唔錯整體口味唔錯，只係我哋錯在叫咗杯hoegaarden,呢隻啤酒花香酒味同辣味衝撞，破壞嘢食餐飯嘅口味，令人有反胃之感。是次用餐約400，午餐加下午茶也算略貴。