意粉 360 (已結業)

Weekend同家人去左將軍澳行街,Lunch Time想簡簡單單食意粉就黎左呢度。周末Lunch並沒有套餐,但單點後只需加$28就會有湯(如需轉酥皮再加$12)&餐飲。先講牛油果墨魚汁石鍋飯,材料好充足,蝦肉好實,熱度十足,飯唔會好乾,係黏黏地個種口感,唔錯幾好。咖喱吉列豬扒蛋包飯,咖喱汁幾香,豬扒係脆身既,蛋包飯外表整得好靚,值得一讚。小朋友就揀左肉醬意粉,小朋友就最鍾意茄汁,即使正正常常既肉醬都已經好滿足。芝士蟹棒意粉,芝士份量都幾多,鍾意芝士既朋友可以考慮呢個,加上有d菇做配料,老人家都食到。仲有一個係雞肉意粉,呢個我就覺得一般,算係比較惹味既一款。至於酥皮湯,酥皮係薄薄一層,忌廉湯就唔算好濃,但亦唔會好稀,如果層皮可以厚少少會更好。總括而言,唔差既,都幾好食,5個人埋單$7xx,但你話好有驚喜就一定唔會,同家人簡簡單單黎食個Lunch係開心既