糖老鴨 (已結業)

朋友帶我黎呢間食甜品，我地一人叫左一個甜品。分別係紫米樂園、雞蛋布甸樂園、紅豆綠茶雪糕配窩夫同蜂蜜玉桂香蕉窩夫配朱古力。全部甜品既賣相都好吸引，加埋店入面既燈光光猛，影出黎好靚。講返味道，我淨係試左紫米樂園同紅綠茶雪糕配窩夫。紫米樂園有紫米、西米、芋圓同涼粉。除左芋圓既口感硬左d，其他都唔錯，又唔會太甜。至於份窩夫，紅豆中size，甜度剛好。最欣賞係窩夫，熱辣辣好新鮮。而且質地好好，外脆內軟，配埋朱古力醬同糖漿，食完一舊接一舊。所以如果要我推薦，我最推薦食窩夫。