鮨吟 (已搬遷) 新店位置

原本想book我們去開的壽司店，可惜無位。見這裏食評咁好所以試下。我book左7點，早左10分鐘到，侍應叫我們在table位坐住先，因為師傅未準備好。點知等到7點正我們還未被安排位置，反而剛到達的熟客立即被安排了位。我們到7.05才被安排座位。高級餐廳是不會犯這些低級錯誤。叫了其中一個omakase餐。頭幾道菜賣相是漂亮的，但食物的配搭和味道就麻麻喇，師傅能力有待改善。第一道菜是日本竹葉和昆布包白身魚做漬物，竹葉和昆布唔食的。個魚有d硬，做漬物後無左魚味，昆布味好出但好怪。第三道菜有個紫蘇葉包着吞拿魚漬。賣相似粒糖，但食落去我只食到紫蘇葉味道，完全遮蓋了吞拿魚味道。同碟有條燒香魚，師傅叫我們全條食，但個鰓位好苦（唔係少少苦），跟個sauce又唔襯，認真麻麻。另外的海膽配腐竹就唔錯嘅。另外有碟伊勢海老配燒bb粟米。海老燒半生熟，有好多筋咬唔到，我吐了一半出來。粟米是好食的，但配燒海老食好似格格不入。同場有蔣怡在食生日飯，亦全場滿座。可能因為咁他們的開場時間有好大的延誤。可能我唔係食視覺嘅人，反而對味道好着重，所以對呢間餐廳評價真係好一般，不會再回來。