糖蓮子 (已結業)

同朋友食完晚飯一齊來呢度食糖水，睇menu見到佢地其中一個招牌甜品美女與野獸（朱古力蛋糕與雲呢拿奶凍）係一個比賽度拎過獎，所以就諗住一試。等左大約20分鐘，個甜品先整好。個賣相算係有心思，有幾塊水果配，而且有可可粉，朱古力漿灑係隻碟度。聽講呢度個朱古力蛋糕好食，但我就覺得不過不失，可能呢款朱古力蛋糕熱辣辣會比較好食，但佢只係暖暖地，味道一般，唔會太甜，蛋糕算係幾實，唔會好鬆散。我覺得呢個朱古力蛋糕同心太軟好似，只不過係無左流心朱古力漿。我覺得反而個雲呢拿奶凍好好食，聞落有淡淡雲呢拿香，食落好滑，甜甜地又唔膩。