Sense Cafe (已搬遷) 新店位置

今日同好姊妹喺尖沙咀shopping，行到有啲攰，諗起佐敦呢間想試左好耐嘅cafe，於是就決定去朝聖順便叉一叉電。由於未到晚飯時間，我哋只係叫咗兩個甜品。第一個就係呢款盆栽Tiramisu，佢個賣相好得，真係有啲唔忍心食佢。我點嘅係綠茶Tiramisu，綠茶味道適中，冇苦澀味。盆栽上層嘅朱古力脆脆加埋下層軟滑嘅Tiramisu，口感十分豐富，值得一試。呢個係同行友人點嘅甜品，賣相同樣吸引。呢款甜品可以自選生果同埋sauce。友人揀嘅係芒果加朱古力醬，酸甜嘅芒果配上濃濃嘅朱古力醬多士，味道不錯。店內環境舒適，座位尚算寬敞，若果不是趕着繼續shopping，會多坐一會兒。今日時間有啲緊迫，下次再試下佢嘅主食。