茶狼 (已結業)

黑糖珍珠鮮奶烏龍茶 $28價錢還好，烏龍茶味濃，唔算系太清，但好彩夠凍🍵🍵。雖然睇落個黑糖同奶都多，但都唔見好濃奶味。🍯🍯黑糖又浸哂底，飲到尾會有一堆糖漿好甜咁。珍珠唔夠煙韌，好似啫喱咁😂😂我麻麻地。個樣都幾靚，但如果想要好似虎紋咁，應該要搽啲糖喺個杯璧內部，而唔系求其倒落去😂😂。不過環境幾乾淨光猛，打卡傾計都唔錯。抹茶奶蓋抹茶紅豆泡芙 $12加購個包皮太厚又唔酥脆，硬硬地似個包多啲。不過價錢系好平嘅。有啲比較苦嘅抹茶粉。奶蓋就唔好提了，唧出嚟得2滴得啖笑，我相都無影了🤣🤣。入面個抹茶餡夠凍、甜度適中，有啲紅豆唔太多不過夠。