影片
更多
2018-04-12
2538 瀏覽
同屋企人食飯一共有15個人，屋企人話事食咩啦，有個靚姐推介左好多招牌菜。我以為係同普通大排檔食小菜差不多，原來佢啲招牌菜都幾特別，係講緊個賣相好特別。開頭以為係炸子雞，又以為係扁平鴨，點知原來係雞皮加下面塊蝦膠。。。。上面有個用哈密瓜盅，入面係翠肉瓜，雲耳，雞柳。。。其實係普通野，煮法我相信都無第二間，賣相的確係俾人用影相呃lik ，但係咁貴賓食一塊雞皮加蝦膠？最正常係呢個，價錢都係最常，鮑魚爽口唔硬，同埋煮得好香口。呢個係冰鎮生炒骨，靚姐話全香港得佢一間係用呢個方法煮。但我想話，呢個就係全晚入邊最唔值嘅一個菜。排骨份量真係好少，菠蘿係最好食既，但係點解我要俾錢黎呢度食菠蘿？牛肋條，個重點就係去咗隔離嗰個牛肋骨裝飾度。牛肋條都煮得幾腍，入味，同埋入口即融，我哋15個人，平均一人一塊啦 。最後呢個紅豆沙，等左差不多九個字先黎， 我哋心諗，你冇理由依家先煲，應該一早整定架啦。到嚟到嘅時候，原來等咁耐係因為唔夠馬桶用。。。。好地地一個紅豆沙，搞噱頭其實冇問題，但係如果要人等左九個字就係為咗你碗紅豆沙就唔值囉， 雖然係好食但係嚟到嘅時候已經凍哂啦。其實所有野味道係幾好食，不過個賣相有啲浮誇，
開頭以為係炸子雞，又以為係扁平鴨，點知原來係雞皮加下面塊蝦膠。。。。上面有個用哈密瓜盅，入面係翠肉瓜，雲耳，雞柳。。。其實係普通野，煮法我相信都無第二間，賣相的確係俾人用影相呃lik ，但係咁貴賓食一塊雞皮加蝦膠？
最正常係呢個，價錢都係最常，鮑魚爽口唔硬，同埋煮得好香口。
呢個係冰鎮生炒骨，靚姐話全香港得佢一間係用呢個方法煮。但我想話，呢個就係全晚入邊最唔值嘅一個菜。排骨份量真係好少，菠蘿係最好食既，但係點解我要俾錢黎呢度食菠蘿？
牛肋條，個重點就係去咗隔離嗰個牛肋骨裝飾度。牛肋條都煮得幾腍，入味，同埋入口即融，我哋15個人，平均一人一塊啦 。
最後呢個紅豆沙，等左差不多九個字先黎， 我哋心諗，你冇理由依家先煲，應該一早整定架啦。到嚟到嘅時候，原來等咁耐係因為唔夠馬桶用。。。。好地地一個紅豆沙，搞噱頭其實冇問題，但係如果要人等左九個字就係為咗你碗紅豆沙就唔值囉， 雖然係好食但係嚟到嘅時候已經凍哂啦。
其實所有野味道係幾好食，不過個賣相有啲浮誇，份量都太少，例如一碟冰鎮生炒排骨，排骨得好少， 反而後邊成個菠蘿佔左大部分， 感覺係俾錢食菠蘿，所以呢類型嘅菜式都係試一次就夠。
張貼
